Shillong: Hapdeng ka jingther u slap bah Sohra kumba theh na ktang, hynrei ki pulit ka Sohra ryngkat ryngkat ka State Disaster Response Force (SDRF) kila bteng ban leit wad biang ia ki shijur kiba dang jah rngai haduh mynta ha ka thain Sohra.
Mynta ka sngi Saitjain kila hiar sha ka thain Wei Sawdong, Sohra ban ïit ban wad ia kine ki shijur kynthup ka Sonam R Raghuvanshi bad u Raja Raghuvanshi kiba dei na Indore, Madhya Pradesh.
Kane ka jingleit wad, kala iaid sha ka 7 sngi kaba la kot sha ka 160 kynta kynthih naduh ka 24 tarik mynta u bnai.
Ha kine ki ar sngi eiei, ka la don ka jingpynthut na ka bor ka mariang ha kaba u slap ula ther jubor haduh ba ka la shem jingeh ban sei ia ki tiar ki tar ban iada na ka um kum ki drone bad ki kor ki bor.
Ha kine ki sngi ba la dep, ki pulit kila noh sha ki them ka thaiñ Dewlieh, Sohrarim, Nongriat, Mawsahew, Mawlakhiat bad kiwei ki jaka hynrei ym pat shem satia.
Ki pulit ki la pan jingïarap ruh na ka North Eastern Space Applications Centre (NESAC) kiba la pynbiang da ki drone ba kham khlaiñ bor, nalor kata ka kynhun jong ki ksew sma dien la pyndonkam ha ka ban wad ia ki ar ngut.
Hiar ki pulit sha thain Wei Sawdong ban wad ia shijur
