Shillong: Ka Leh Niam Lei Long Raid bad Lei Shyllong kaba shi sien shi snem ka Raid Mylliem mynta u 2025 ka lah kut ha 26 tarik.
La sdang ha 24 tarik Jymmang da ka knia Blei Long Raid ha Mawnarian bad la pynkut ha ka 26 tarik Jymmang 2025 da ka knia Lei Shulong haka duwan Lum Shyllong.
Ia ka jinglehniam la pyndep bad leh da Ki San Kur ha ka jingialam u Lyngdoh bad ha ryngkat ki Khadwei Kur bad ki khun ki hajar ka Raid Mylliem.
Na ka daw ba ki Myntri na ki San Kur bad Khadwei kur ka Raid Mylliem kim lah ban pyndep ia ka jingleh Niam mynta u snem 2025, U Lyngdoh ryngkat ki San Kur bad Khadwei kur kiba lah phah la ki jong ki jong ki Nongmihkhmat ryngkat ki khun ki hajar jong ka raid, ki lah iapyndep bad leh hi noh iaka jinglehniam na ka bynta ka hok bad ka riti dustur jong ka Raid kumba juh long naduh hynthai haduh mynta mynne.
Ha kane ka jingleh niam, la pom ia u blang uba la dkut thui hadien ka jingiapan katkum ka nia ka jutang ka hok blei.
Dkut thui u ryndang blang halor ka nia ka jutang ka leh niam Long Raid bad Lei Shyllong
