Shillong: U Managing Director ka Centre Point Group, Shillong u bah Larsing Ming Sawian ula pynpaw hakhmat ba la don lang u Myntri Rangbahduh ka ri u Narendra Modi halor ki sienjam ba la shim ban kyntiew ia ka phutbol ha kaba ka Shillong Lajong ka la ioh ban iakhun ha ka I-League ha u snem 2009.
Haba kren ha ka Rising North East Summit kaba long mynta ka sngi ha Delhi, u bah Ming ula ong ba kumno ka Centre Point Group, ka la iakhun ban kyntiew ia ka kam jngohkai ha ka jylla ha kaba la wanrah ia ki nongtem na ka pyrthei ha ka sien ba nyngkong ha u snem 2005.
Ha kane ka Rising North East Summit la iashim bynta ruh ki myntri rangbah ki jylla ka North East kynthup u Conrad K Sangma, ki heh spah ha ka pyrthei kynthup u Mukesh Ambani, bad kumjuh u Guatam Adani nalor kiwei.
U bah Ming ula ong ba ka Centre Point Group of Industries kala phai khmat bha ruh ha ka kam jngohkai, ha kaba ka Sohra, ka pung Umiam bad ka nongbah Shillong ki dei ki ktem ba pawnam ban khring ia ki nongwankai nalor ka Assam bad kiwei ki jylla ka North East.
Haba don u Modi, pynpaw u trai ka Lajong ban kyntiew ia ka phutbol
