Shillong: Ka Sub-Divisional Officer ka Pynursla Civil Sub-Division ka la pynbna iar sha baroh ki nongleit nongwan bad ki paidbah ba ia ka shi lynter jong ka surok hapdeng Laitlyngkot-Lyngkyrdem kaba don hapdeng na ka 24 haduh 37 km, yn khang shwa shipor ia baroh ki kali kiba leit ba wan naduh ka 26 tarik haduh 30 tarik Jymmang, 2025.
Ka jingkhang kan long 7am haduh 10 am bad 12:30pm haduh 4pm.
Ha ka kyrwoh kaba la pynbna mynta ka 22 tarik Jymmang, 2025, ka SDO ka la ong ba ka jingkhang ka long ban pynthikna ban iaid beit iaid ryntih ka jingshna ia ka surok na ka daw ka jingdon ki bynta ba syier ha shi lynter ka surok kiba donkam ban pynkhuid bad pynbha.
Ka SDO ka la kyntu ia ki paidbah ba kin kiar ban leit ban wan ha ka por mynmiet ha kine ki bynta jong ka surok kum ka jingiada na ka daw ka jinglong ka surok bad ka suin bneng.
Ka SDO ka la kyrpad ruh ia ki nongleit nongwan ba kin ai ka jingiatreilang bad ban pynkhreh biang por lypa ban iaid ha ka por kaba pyllait ha kitei ki sngi bad ban bud ryntih ia ki jingbthah naka bynta ka jingmyntoi lang uba bun balang.
7 am-10 am, 12:30 PM-4pm khang iaid kali naduh 26-30 tarik na Laitlyngkot sha Pynursla
