Shillong: Ki runar kiba lute na ka ATM ka SBI ha Mawkriah ki la wanrah da ka tyndong gas ban ot ia ka mashin pisa bad ka dei ka jingpynkhreh kaba la janai bha da ki briew kiba tip bha.
Ha ka CCTV la pyni ba ki la kah dur khmat, bad hadien ba kila rung sha ATM ki pynhap ia ka shutter bad ki sa ot pat da ka gas cutting ia ka mashin pisa.
Kila leh ia kane ka kam ha ka por 2:43 minit jong ka 21 tarik Jymmang, 2025.
Katkum ka tyllong khubor ki pulit, kine ki runar ki lah ban dei nabar jylla namar ba kum kane ka jingjia, la don teng kaba iasyriem thik kumba leh ha jylla Assam.
Ki ia don kumba 4 ngut ki runar kiba lute na katei ka ATM bad rong tuh T. 28.13 lak.
Ia kane ka jingjia, la thep mukotduma ha Mawngap Police Station bad ka jingtohkit ban lap ia ki runar ka dang iaid.
Ki pulit ki la ong ba kine ki runar ki dei kiba la plan bad swait bha jai sha katei ka thain shwa ba kin leh ia kane ka kam.
Wanrah ki runar da ka tyndong gas ban ot ia ka ATM ha Mawkriah, pyni ka CCTV
