Shillong: U myntri rangbah ka jylla u Conrad K Sangma ula pynshai mynta ka sngi, 20 tarik Jymmang, 2025, ba ka lympung National Games kaba 39 ha u snem 2027, kan sdang ha jylla Meghalaya bad yn pynkut ruh ha Meghalaya.
Haba pynshai halor ka jingkren jong u myntri ka tnad ialehkai ka jylla, u bah Shakliar Warjri ba ka Meghalaya kan pdiang lang ia ka National Games bad kiwei ki jylla ka North East, u myntri rangbah ula ong ba ka jylla Meghalaya kan dei ka nongpdiang ia ka National Games 2027 hynrei na ka liang ka Indian Olympic Association (IOA) ka la ai jingmut ba khnang ban pyllong ia ka jingialehkai kaba kynthup lang, la ai jingmut ban pyllong mar kawei ka jait jingialehkai ha kawei pa kawei ka jylla ha North East bad 25 tylli ki jait jingialehkai, yn pyllong beit ha Meghalaya kum ka trai iing.
Pynshai u Myntri Rangbah ia ka jingkren u myntri tnad ialehkai halor ka National Games
