Shillong: U Myntri Rangbah ka jylla u Conrad K Sangma ha kane ka taiew, ka 17 tarik Jymmang, 2025, ula hiar ban leit peit ia ka shnong kaba la ioh ia ka nam kum ka shnong ka thain kriah thain shang, ka shnong Tangmang, kaba don harum Pynursla.
Ka shnong Tangman g ka la ioh ia ka nam kum ka shnong ka thain kriah thain shang bad ki briew kila im na kane ka kam la palat spah snem. Ka kyrgeng ka shnong Tangmang ka mut, “Kaba dei, kaba biang’. Kane ka shnong ka la ioh jingithuh ruh na ka sorkar jylla kum ka shnong ka thain kriah thain shang ha ki snem ba la dep.
Ha ka jingleit iuhkjat ha kane ka shnong, ki paidbah nongshong shnong kila pdiang burom ia u Myntri Rangbah, bad pyni nongmuna ia ki kriah ki shang ba ki thain hi ki briew kane ka shnong.
Hadien ba la sakhi ia kane, u myntri rangbah ula bthah ia ki ophisar ba kin shim khia ba ki briew kin lah ban pynmih shibun khnang ban ioh ban ai sngewbha ia ki heh ki hain kiba wan nabar sha kane ka jylla.
Ula pynbna ruh ban buh ia ka Handicraft Training Centre ha Tangmang, ha kaba ka sorkar kan wanrah ia ki tiar ki tar bad ki jaka sah ia kiba wan shah hikai ha kane ka thain kriah thain shang.
Ula kular ruh ban bei pisa ban shna bha ia ka Tangmang Secondary School na ka Chief Minister’s Special Development Fund.
Hiar u Conrad sha ka shnong jong ka thain shang thain kriah, ka Tangmang
