Shillong: Uwei u nongniah ka trok Pik Up ula khlad bad kumba 15 tylli eiei ki trok ka kompeni Star Cement kila shah thang ha ki paidbhur hynin ka janmiet.
Kane ka jingjia ka la mih hadien ba ka la don ka jingjia aksiden ha Wahiajer hapdeng ka trok ka Stare Cement bad ka Pik Up. Katkum ki pulit, hadien kane ka jingjia, ka trok ka Star Cement ka la phet bak na katei ka jaka bad u nongniah kane ka Pik Up bad kiwei kila kthong ia kane ka trok ka Star Cement haduh phyllaw ka kompeni Star Cement bad ynda la poi, u nongniah ka Pik Up ula leit shoh ia u nongniah ka trok Star Cement bad ha kata ka por, u nongniah ka trok Star Cement ula iaid wut da ka kali bad ioh tylliat syndon ia une u nongniah ka Pik Up haduh ba un iap syndon hashen.
Hadien kane ka jingjia, la wan sa ki paidbhur kumba 300 ngut eiei kila leit tur puk sha ka Star Cement ryngkat ki wait ki tiar bad kila wiang ding ia ki trok ka Star Cement bad kawang maw bad ther maw ia ki pulit bad dei tad haduh ba la lah ban shuh ki pulit ba la lah ban tem bad pynpra ia kitei ki paidbhur bad la ioh ban rah ia ka met u draibar ka Pik Up sha Khliehriat Civil Hospital.
La sakhi ha ka CCTV ba ki don kiba la kawang maw ia ki trok jong kane ka kompeni Star Cement bad pynjulor.
Ha CCTV paw ia u ba kawang maw ia ki trok ha star cement lumshnong shwa ban kem ding
