Shillong: Hynriew ngut ki briew na India kynthup ka Youtuber kila shah kem ha ki pulit ka Haryana halor ka jingkynnoh bad suba jur ba ki dei ki nongsyntiat ia ka Pakistan.
Kine kila shah kem mynta ka sngi ka 17 tarik Jymmang, 2025. Kane ka Youtuber ka la shah kynnoh ba ka pyllait ia ki jingtip ba don jingsyier, kiba rieh ha kaba iadei bad ka ri India sha ka Pakistan.
Kane ka Youtuber kaba dei na jylla Haryana, la tip kyrteng kum ka Jyoti Malhotra kaba leh vlog kaba kyrteng ka Travel with Joe. Ka leit jngoh ia ka ri Pakistan ha u 2023 hadien ba la ioh ia ka Visa na ki Commission Agents. Ha ka jingleit jongka sha Pakistan, ka la don ka jingiajan bad u Ehsan ul Raheem uba khot sin kum u Dan Danish uba dei u nongtrei ha Pakistan High Commission ha India, ha kaba ka India ka la pynban ba u dei u briew bym donkam satia ne person non grata. La kynnoh ba u Danish ula pynithuh ia ka Jyoti sha ki nongsyntiat jong ka Pakistan.
Shah kem ka Youtuber ka India bad 5 ngut kiwei ba suba nongsyntiat ia ka Pakistan
