Shillong: U myntri rangbah ka jylla u Conrad K Sangma ula pyntip mynta ka sngi ka 15 tarik Jymmang, 2025 ba ka sorkar ka la mang shuh sa T. 15 klur ban pynbha ban pynitynnad ia ka Iewduh kaba dei ka iew kaba heh tam ha ka jylla.
Ia kane ula ong haba kren ha ka jingbuh maw kyrteng ban tei ia ka Indigenous Cultural Centre jongka Seng Khasi ha ka prokram ha Mawkhar mynta ka sngi.
U Conrad ula ong ba ka sorkar ka la dep mang T.6 klur ban pynbha ia ka Iewduh jong ka Hima Mylliem ban pynbha ia kane ka iew hynrei mynta ka la mang shuh sa 15 klur ban pynbha ia kane ka iew kaba donkam ha ka jylla.
Ha kajuh ka por, shi bynta ban peit ia ka jinglong jingman jong ka iew, u Conrad lem bad u symbud myntri rangbah u bah Prestone Tynsong, u myntri ka tnad jngohkai bah Paul Lyngdoh kin leit jngoh ia ka Iewduh ha ka sngi Nyngkong ha ka por 12 baje mynsngi.
Sa T.15 klur mang pisa ka sorkar ia ka Iewduh, la sngi Nyngkong yn leit jngoh u Conrad, Prestone
