Shillong: Mynta ka nohphai sngi ka 10 tarik Jymmang 2025, ki pulit sma bomb ka nongbah kila mareh bran bran ban pynpulom ioh dei shisha u bomb hadien ba kawei ka pla kaba la shu ieh ha surok ha Fire Brigade, Laitumkhrah. Kila ialam ruh da u ksew ban sma ia kane ka pla, kaba la suba jur ba lah ban dei u bomb.
Hynrei hadien ba kila talasi da ki pulit pynlip bomb, la shem ba hapoh ka pla, don tang ki jain, ki sopti ba la shu ieh mano mano ha katei ka jaka.
Kaba kham thamula ka long ba ki paidbah kiba iaid ba ieng ha jaka ban phet sha jngai na katei ka jaka, kila wan tur pynban hajan ban peitkai kumba dei ka jingialehkai aiu re khlem kano kano ka jingtieng jingsmiej, watla ki pulit kila phira ba ki dei ban phet sha jngai.
Ha katei ka pla kaba la suba don bomb hadien ba la khura ki pulit, la lap ia ki juti, ki jaiñ, ki pliang ja bad kiwei kiwei ki tiar donkam shimet kiba lah ieh mano re mano ha katei ka jaka.
Ha jaka ban phet sha jngai, peitkai pynban ki paidbah kmang hajan u suba bomb
