Shillong: Ka ka Integrated Command and Control Centre (ICCC) ha Umsawli, Shillong ka long kum ka jabieng ka Shillong ban peitngor ia ki jinglong jingman ha kylleng ka sor Shillong. Ha kane ka centre lah ban iohi shynna kdiar ia kano kano ka jaka naduh ki iew, ki kali, ki jaka paidbah bad ka iaid ka ieng jong ki kali.
Ka sorkar ka la buh ia kane ka centre ban peitngor ia ka jingieng pathar ki kali, ka jingiaid khlem akor, bad kiwei ha kaba lah ban iohi shai kdiar. Kane kan pynsuk ban pynshitom ia kiba leh tam ne iaid beain, bad kito kiba bret jaboh pathar bad kiwei ki jingthut ha ka imlang sahlang.
Ki don 300 tam ki CCTV camara kiba la buh kylleng ka nongbah bad baroh ki jingtip la poi bad la lum lut ha katei ka jaka.
Kane kan iarap ruh ban thwet ia kiba leh kam sniew bad kiwei ki kam pynkulmar shnong bad ki kam beain.
U myntri rangbah ka jylla u Conrad K Sangma haba jurip ha kane ka jaka, u la ong ba kane ka centre kan pynsuk ban peitngor ia ka jinglong jingman ha Shillong khamtam ha ka iaid ka ieng ki kali, bad kiwei ki kam.
Ia kane ka centre la tei shi bynta jong ka Smart City Project.
Wat ieng kali kulmar, bret niut pathar ba la syntiat ka CCTV ha kylleng ka sor Shillong
