Shillong: U Myntri Rangbah ka jylla u Conrad K Sangma mynta ka sngi Thohdieng ula sam jingiarap sha ki nongrep synsar hapoh ka skhim CM Assure ha ka jingialang kaba long ha shnong Khliehumstem, Ri-Bhoi district.
Ha kane ka thain, kumba 1700 metric ton u synsar la iarap pynthied ka sorkar na ki nongrep bad tang ha ri Bhoi ka jingpyllut ka sorkar ban thied synshar ka la kot sha ka 4 klur tyngka eiei.
U Myntri Rangbah ula khaweh lama ruh ia ki trok ba kit synsar 1,700 metric ton na Khlieh Umsten ban pynhap sha ka Central Warehousing Corporation ha Guwahati ban die ia u synsar sha ki nongthied ba pan heh dor tam.
Ha kane ka prokram u Conrad ula ot ribbon ruh kum ka jingpyllait ia lai tylli ki kali pik-up ba la aiti sha ki nongrep na ka CM-Elevate.
Ula ong ba ka sorkar ka kut jingmut ban kyntiew ia ka rep ka riang bad ia ka ioh ka kot jongki nongrep.
Katkum ka jingpyntip na ka tnad ka rep ka riang ka jylla, ka jaka rep synsar ha ka jylla ka don haduh 26,757 hectare bad 40 hajar ngut ki nongrep synshar.
Kane ka CM Assure ka dei ka skhim ka sorkar jylla ban iarap ia ki mar bym pyut kum u synsar bad u kwai haba ki tad palat ka dor bad ia u synsar la thied da ka Meghalaya Agricultural Marketing Board.
Ia u synsar shi number la thied ha ka dor T.55 shi kilo uba hap ha ka Grade- A, ha ka Grade B- u synsar un shongdor 44 tyngka shi kilo bad 30 shi tyngka kilo u synsar grade-C.
Ka Director ka la ong ba uwei pa uwei u nongrep ulah ban die 800 kilo bad haduh mynta ka sorkar ka la lum 2700 Metric ton u synsar na ki 2 hajar ngut tam ki nongrep synsar ha ka jylla ha kaba la pyllut T. 10 klur.
U bah Pynshai Masharing jong ka Basuba Brooms Producer Company Limited, Khliehumstem u la ong ba kane ka sienjam ka sorkar ka la iarap ia ki nongrep watla kam dei ka jingiarap kaba heh. Ki don kumba 9 spah ngut tam ki nongrep kiba la pynrung kyrteng na kane ka kompeni. U la ong ba ka sienjam ka sorkar ka la iarap ia ki nongrep ha kum kane ka por ba tad u synshar.
Kumba T.4 klur thied synshar ka sorkar na ki nongrep synshar ka them Bhoi ha ki lai tylli ki nomber
