Shillong: Ka jingpyni nongmuna ne mock drill ban iada haba shah hiar thma na suin, ka la long mynta ha por 4pm ha St. Anthony School, Shillong bad ha kiwei ki jaka.
Kane ka mock drill ka long kumno ban iada ialade haba shah hiar thma da u bom ne namding na suin.
Ka tnad Civil Defence ka jylla ka la pyllong ia kane ka mock drill shi bynta hadien ba ka tnad kam pohiing ka ri, ka la bthah ia baroh ki jylla ha ki 244 tylli ki district, hadien ba ka jingiakynad hapdeng ka India bad ka ri Pakistan na ka jingsynreit kuli ki lehnoh ha Pahalgam ha kaba 26 ngut ki nongleitkai kila iap ha ka 22 tarik Iaiong.
Kan ym don ka jingpynthut ia ka iaid ka ieng ki kali bad ha ka por ba pynpah siren, baroh dei ban pyllip lut ia ka ding bad kiba don inverter ruh ki dei ban pyllip. Ka jingpyllip ia ka ding baroh kan long 2 minit ha ka por 6:30 pm shibit.
Kane ka jingpyllong ia ka mock drill ka dei hadien ka thma ha u snem 1971 haba ka India ka ialeh thma pyrshah ia ka China.
Ha ka mock drill, la iashim bynta ki khynnah ka skul, ki doktor, ki briew ka Civil Defence bad kiwei.
Ka India ka la khyrwit hynne ka step da ka Operation Sindoor da u namding ha ki 9 tylli ki ktem lehnoh kiba pyllong jaka riehtngen ha Pakistan bad kumba 80 ngut kila kyllon iap. Ka jingiakynad hapdeng ka India bad ka Pakistan mynta ka la nang khluit shuh shuh.
Ka Mock drill ba pynhap bom na suin, kumno ban iada, la pyni nongmuna
