Shillong: Kawei ka trok container ba kit siej kaba don ia u number NL-01-AH-4792, ka la jan kylla bad sahkut hajuh ha kawei ka jaka ba long khongdong ha ki bynta ka surok na Umrit sha Pahammawlein 20Mer bad kaba hap hapoh ka shnong Tasku.
Katkum ka jingiathuh ki briew, la ong ba katei ka la jia hynnin ka miet ka 6 tarik Jymmang 2025, ha kaba katei ka trok container kit siej, ka mut ban mih sha surokbah NH-6, hynrei haba ka la poi ha katei ka la jan kylla, ha kaba ki bynta ka taiar ba shadien ki la hap sha riat.
Tang mar ia tip ba katei trok container, ka la sahkut ha katei ka jaka, la don ki briew kiba la leit mar mar sha katei ka jaka, na bynta ban pynheh ia ka surok da kaba tih ia ka khyndew, khnang ba kan ym wanrah jingthut ia ka leit ka wan ki paidbah lyngba katei ka surok.
Dei tad haduh hynne ka step, la wan kawei pat ka trok, kaba la leit ban sei noh ia ki siej kiba don hapoh katei ka trok container, khnang ba katei ka trok container kan lait ban mih na katei ka jaka.
Lait ka kjat sharud surok, Tden sahkut ka trok container ba kit siej ha Tasku barit ka surok
