Shillong: U MLA ka Rongara-Siju uba dei ruh u myntri ka tnad pule puthi ka jylla u Rakkam A Sangma ula thong T.5 hajar ia kiba ioh letter mark ha kawei ka sobjek ha ka matrik kiba dei na ka konstitwensi jong u.
Haba kren mynta ka sngi, u Rakkam ula iathuh ba kane ka dei ka sien kaba saw kaba ula sam sha ki samla pule kiba la ioh letter mark ha ki sobjek bapher bapher kiba pass matrik na ka konstitwensi jongu.
U la ong ba katba u dang long MLA un bteng ia kane ka jingai mynsiem ia ki samla bad lada don kiba poi top 20, un pynioh rung klas ha ki jaka pule ba pawnam ka ri.
Katkum u Rakkam, mynshwa ki don tang 20 ngut eiei kiba ioh Letter Mark hynrei ha kane ka snem ba mynta ki don 178 ngut na baroh kawei ka konstitwensi, bad ula pynlut T.16 lak ban sam sha ki samla.
“Haba nga jop MLA 2018, ki don 20 ngut kiba ioh letter mark ha ka matrik bad nga la pynbna ba lada don kiba ioh letter mark na Rongara-Siju konstitwensi ngan ai 5 hajar kiba ioh letter mark ha kawei ka sobjek bad lada don kiba poi top 20, ngan pynioh klas ha ki jaka pule ba pawnam ka ri. Mynta ki don 178 ngut ki samla pule kiba ioh letter mark na baroh kawei ka konstitwensi. Nga la pyllut 16 lak tyngka bad ka dei ka sien kaba saw ba nga la leh ia kane”, la ong u Rakkam.
T. 5 hajar kawei ka sobjek kiba ioh Letter Mark ha ka matrik, ai u MLA ka Rongara-Siju
