Shillong: Ka Meghalaya Pradesh Mahila Congress ka pynpaw ïa ka jingsngewsih bad ka jingpyrshah jur halor ka jingpynbna khang dukan da ki nongkhaii ha ka 28 tarik, Iaiong 2025.
Ha ka kyrwoh khubor, ka President ka Meghalaya Pradesh Mahila Congress ka kong Joplyn Shylla ka la ong ba kane ka rai ban khang dukan, ka ktah jur ïa ki paidbah kiba la mad shibun ka jingshem jingeh ha ka imlang sahlang bad ha ka jingïoh jingiarap
Ka kong Joplyn ka la ong ba ha kum kane ka por ba ki paidbah ki dang shem jingeh na ki jingeh ka ioh ka kot, bad ka jingkiew dor ki marbam mardih, ka jingïaid beit ki kam dukan ka long kaba donkam tam. Ka pyrshah ïa ka rukom pynlong khang dukan khlem da ïaid lyngba kaba ryntih kaba biang lane ka jingiasoi jingmut bad ki paidbah.
Ka Meghalaya Pradesh Mahila Congress ka kyntu ïa ki nongpyniaid bad ki bor synshar ba kin shim khia bad pynbeit noh mardor ïa kane ka jingeh da kaba buh ha khmat ka bha ka miat jong ki paidbah.
Lah ban kdew ba ka kynhun ki nongkhaii kane ka nongbah Shillong hapoh ka shatri jong ka “Meghalaya Citizens Forum” kila khot ia kane ka jingkhang dukan mynta ka sngi, khlem da pynbor iano iano ruh hynrei tang kiba don ka mon sngewbha jongki. Shi bynta ban kyrshan halor kane, ka seng ki nongiew ka Barabazar Merchants and Shopkeepers Association kala iasnohkti lang ban pynrem bad sngewlem halor ka jingshah siat iap ki 26 ngut ha Pahalgam, Jammu & Kashmir dang shen.
Pyrshah ka Mahila Congress ia ka jingkhang dukan ha Shillong
