Shillong: Ka Iewduh, Iewmawlong ki jaka kiba ju shlei briew tam ha ka nongbah, kila kynjah mynta ka sngi, ka 28 tarik Iaiong, 2025 hadien ba ki nongshong dukan kila khang khyrdep lut ia ki dukan jongki.
Ia kane ka jingkhang dukan la khot pyllong ka Shillong Citizen Forum ha kaba ka seng ki nongiew ka Barabazar Merchants and Shopkeepers Association kila iasnohkti lang shi bynta ban pynrem bad sngewlem halor ka jingshah siat iap ki 26 ngut ha Pahalgam, Jammu & Kashmir dang shen.
Ha ka jingiaid lynti u nonglum khubor, la iohi ba ki dukan kila khang lut lait noh tang katto katne kiba plie. Kaba kham bun briew ka dei tang ka iew dielang ha Iewduh ha kaba bun ki dei ki nongdie jhur katba sha kiwei ki jaka la jynjah jar.
Ka them Iewmawlong ruh ka la kynjah jar namar ba ki dukan kila khan glut lait ki briew kiba iaid bad ki kali bad tang katto katne kiba plie dukan.
Lah ban kdew ba hynnine ka sngi, ki jaitbynriew bapher bapher kiba don ha Shillong kila wan ban ialum bad ban iashim bynta ha kane ka jingthang mombati kum ka jingsngewlem ia ki mynsiem ba la khlad.
Ha ka 22 tarik mynta u bnai, 26 ngut ki nongleitkai ha Pahalgam, kila shah siat iap ha ki lehnoh kiba shu wan ban synreit kuli naphang katba ki dang lehkmen ia ka jingitynnad katei ka jaka kaba pawnam bha ha ka kam jngohkai.
Kynjah ka Iewduh, Iewmawlong ba khang lut ki dukan ba shah siat iap 26 ngut
