Shillong: Mynta ka miet hadien 4 sngi ba kila ieng ha ka surok Mawmaram na ka jingbym shah ka bor district ka Eastern West Khasi Hills ban iaid na surok na Mawmaram sha Mawlyndep, ki draibar trok kila ieng beit bad pyneh ba dei ban shah ban iaid na kane ka surok ha jaka ban leit iaid kyllain shaduh Mawryngkneng.
Ha ka jinghiar u nongthoh khubor, la iohi ba ki trok kila ieng lain shriak kiba la pynap beit ban ailad beit ban iaid na surok na Mawmaram sha Mawlyndep shaduh Lad Umsaw hynrei na ka liang ki pulit ruh kim shym la ailad satia bad ki phah iaid sha surok bah ban poi sha Shillong ter ter sha Mawryngkneng.
Hynrei na ka liang ki pulit kila khang pyrshah ia kine ki trok ba kim dei ban iaid. Ki draibar trok kila ialum khrui ha surok ba ki dei ban ailad beit ban iaid na surok Mawmaram namar ba lada leit iaid shaduh Mawryngkneng kan wanrah ka jinglut phut bad ka jingjngai bun shah.
Ka bor district ka Eastern West Khasi Hills kala khang pyrshah ban iaid ki trok kiba kit palat 9 ton na kane ka surok namar ba kan pynsniew bad pynjot ia ka surok.
Pyrshang tur ki trok ban iaid na surok Mawmaram, ym shah ki pulit tdot
