Shillong: Ka Seng Khasi Morning School, Jaiaw Shillong ka la pynkut ia ka tamasa lehkai kaba shi taiew kynthei ha ka sngi Saitjain ka 26 tarik Iaiong, 2025 ha madan Student, Jaiaw, Shillong.
Ha kane ka shi taiew, ki khynnah skul step ka Seng Khasi kila pyni ia la ki sap ki phong ba ki don ha ki jait jingialehkai bapher bapher. Watla ki dei ki khynnah kiba leit skul mynstep namar ba ki hap ban leit trei ban pyndap bad kyrshan skul ialade na ka jingkyrduh ha iing ha sem, hynrei ka don ka sap kaba ki kham lah wat ban ia ki khynnah skul sngi ruh.
Ha kane ka shi taiew, la pyllong ia ka jingialehkai bapher naduh ka mareh, ka kynthih, ka maw point, ka futsal, ka jingiakop dro bad kiwei kiwei.
Ka skul ka la phiah saw tylli ki kynhun ne House ba kynthup ia ka Red House, Green House, Blue House bad Yellow House.
Ha ka jingiakhun napdeng baroh ki House, ka Yellow House ka la khur ia ka nam lahduh da kaba khur bun tam ki point ha ka jingkhein kyllum lang baroh na ka jingjop jongki ha kane tamasa ialehkai kaba shi taiew kynthih.
Ha ka sngi kut, la sakhi ia ka jingdon u Principal u Babu Snar S Malngiang, ki nonghikai, ki khynnah bad ki nongiarap. Ka Madan Students ka la sawa ruh da ka sur kyrkait kmen ki khynnah ban kyrshan bad ai mynsiem ia la ka kynhun bad ki nongiashim bynta la kajong kajong ka House.
Ka jingialehkai ka la kham nang shongshit shuh shuh da ka jingiashim bynta lang ki nonghikai ban iakop mareh.
Ka sap bad ka jingtbit ki khynnah skul step ka Seng Khasi Jaiaw
