Shillong: Uwei u briew ula shah kem ha ki pulit ka East Khasi Hills halor ka jingkynthoh ha Facebook kaba mih ha kawei ka channel halor ka jingjia ha Pahalgam, Jammu & Kashmir.
Ia une u briew uba la shah kem la tip kyrteng kum u ‘Man Shylla’ ha kaba ki pulit kila kam ba ula pyndonkam ka jingkynthoh pyrshah ri da kaba kyrshan ia ki riew triem kiba shim ia ka jingim jongki 26 ngut ha Pahalgam.
Ki pulit kila kam ruh ba ka jingkynthoh jong u, ka la kyntu ia ki riew pyntriem ban hiar thma ia ki briew ha kane ka thain shatei lammihngi ka India bad ula kynthoh (comment) ha ka facebook account jongu kaba kyrteng “Man Shylla”, kaba la thmu ban wanrah ia ka jingiapher bad ktah ia ka jinglong kawei ka ri.
Halor kane, ki pulit ka Special Cell ka East Khasi Hills hadien ba la buddien ia u, ki shem ba u dei u Simon Shylla, 30 snem uba sah ha Umlyngka. La kurup 2 tylli ki mobile na met jong u bad la pynngat mukotduma ha Lumdiengjri PS. Case No 421(04)2025 U/s 113(3)/196(1)(a)/147 BNS. Hun rah ia u sha Kashari lashai ka sngi.
Shah tan uwei u briew na Umlyngka ba kynthoh pyrshah halor ka jingjia ha Pahalgam
