Shillong: Ki nongniah trok kiba kit jingkit kylleng na thain West, Eastern, South West bad na East Khasi Hills kila pyneh triang ban ym leit iaid shaduh Mawryngkneng kumba la bthah ka bor district ka Eastern West Khasi Hills.
Ka bor district Eastern West kam shah ban iaid ki trok kiba kit palat 9 ton shaneng na surok Mawmaram ban mih sha Mawlyndep, lad Umsaw namar ba kan jot ka surok lada ailad ban iaid sahuh kine ki trok heh, bad kumta ka la phah iaid sha Mawryngkneng ban mih sha Damsite.
Hynrei mynta ka sngi 24 tarik Iaiong, 2025, na ka liang ki nongniah trok kila pyneh ia kane ka jingbthah bad kila pyneh ba lada ka sorkar kam shah ban iaid na Mawmaram, ka dei ban shah ban iaid na jingkieng dam.
Kumba 300 tylli ki Trok na thain West, Eastern West, South West, East khasi hills kila shu ieng lain harud ka surok naduh ladmawreng, Mawmaram bad ha kiwei ki jaka hadien ba la shah khang ban iaid na katei ka surok Mawmaram.
Lada ym shah na surok Mawmaram, shah ngin iaid na jingkieng dam: draibar trok
