Shillong: U Prime Minister ka ri u Narendra Modi, ula byrthen tyngeh ia ki lehnoh kiba la synreit kuli pathar haduh ban shim ia ka jingim jong ki 26 ngut ki nongleitkai ha Pahalgam, ha Jammu and Kashmir ha ka 22 tarik Iaiong.
Ha ka jingkren jong u ha ka jingialang paidbah ha Bihar mynta ka sngi 24 tarik Iaiong, 2025, u Modi ula ong ba kito kiba donkti ban pynlynkien ia ka snam ki riew lui lui kin ym don jaka rieh bad kin ioh ia ka jingpynsaja kaba kim lah ban mutdur.
U Modi ula ong ba mynta na kane ka khyndew ka Bihar, u pyntip sha ka pyrthei baroh ba ka India kan wad, kan thwet bad kan pynshitom ia ki lehnoh bad ki nongkyrshan jongki. U la ong ba ka India kan wad haban da shem shaduh ba kut ka pyrthei. Ia ka mynsiem ka India ym lah ban pynpait da ka bor jong ki riew pyntriem.
Ngin thwet shaduh ba kut ka pyrthei ruh ia kiba pynlynkien snam ha Pahalgam: Modi
