Shillong: Ki bor iada ka ri India kila pyllait ia ki dur jong saw ngut ki lehnoh kiba la ngeit ba ki dei kiba donkti ban synreit kuli ia ki nongwankai ha Pahalgam, Jammu and Kashmir, kaba la shim ia ka jingim sha ka 26 ngut.
Ki bor sorkar India kila ithuh lai ngut na ki saw ngut ia ki kyrteng jong ki lehnoh, kiba kynthup ia u Asif Fauji, Suleman Shah, bad Abu Talha. Kine ki la kieng atiar bha da ka AK-series rifles bad M4 rifle.
Ka tyllong khubor sorkar, ka la suba jur ba kine ki dei kiba donkti bad ka seng lehnoh Lashkar-e-Toiba (LeT), kaba dei na Pakistan bad ar ngut na ki, ki dei nabar ri. Katba uwei kim pat lah ban ithuh.
Ka kynhun Resistance Front (TRF), ka kynhun ba treikam napoh jong ka LeT, ka la kam ia ka jingjia ha Baisaran kaba khot kum “mini Switzerland” ka Kashmir.
La ithuh ia ki lehnoh ba siat iap ia ki nongwankai ha Pahalgam
