Shillong: Ka Jaiñtia National Council (JNC) ha ka 23 Tarik iaiong kala ioh ban bat ia San ngut ki nong Bangladeshi mynta ka step katba ki dang thmu ban iaid lynti na East Jaiñtia hills district.
Ka seng hapoh ka Jingialam u Bah Ency Shadap Chairman ka Employment Commission bad u bah Mebanteilang Sukhlaiñ Secretary ka Commission, u Asst. Secretary ka JNC CEC bah Allmiki Ryngkhlem lem bad ki Dkhot ka JNC Khliehriat Circle ka lah ioh ban bat iaki San ngut kiba kam ialade ki nong Bangladesh bad haka jingtohkit ka seng lah shem ba ka jingioh rung Jong ki shapoh India ka dei lyngba ka jingiarap ki dalal dakaba ai pisa bad la iathuh ruh ba ki dalal ki shim kumba 1000 bad 2000 uwei u briew, kine ki briew ba shah bat ki iathuh ruh ba ka jingthmu ka Jong ki ka long ban leit bylla Sngi shatei sha thaiñ cement (umpleng), East Jaiñtia hills.
Naka Liang jong ka seng mar shu dep ka jingtohkit kala leit ban aiti noh iaki sha ka tnad infiltration kaba don ha Umtyr-a EJHD ban ioh leh iakaba donkam bad la kyntu jur ruh iaka infiltration baka dei ban shim khia halor kane ka kam namar ka jinglait lan palat pud ki briew ba nabar ban ioh rung suk ka buh haka jingma kaba khraw iaka Ri, bad naka Liang ka infiltration ruh kala shimti iaka kam bad ban leh dakaba tyngeh kata ban set noh iaki bad ban leh daka Suo Moto case pyrchah iakine ki nong bangla.
U chairman ka Commission u Bah Ency Shadap u la pynrem jur iaki BSF kiba kheiñ sting bad dei naka jingtlot Jong ki ban peit pyrman haki jaka khappud la pynsuk iaka jingwanrung kyrthlep ki nong bangla shapoh ka Ri Jong ngi namar katkum ka jingiathuh kine ba shah bat ki Ong ba ym don BSF haka por ba leit rung sha India.
Ka seng ka ther tyngeh ruh ia kita ki dalal ne ki Men die Ri kiba die tad dor iaka Ri bad ka Jaidbynriew tang haki chi hajar ar hajar bad kane katno tam ka pynhiar dor ruh iaka Ri Jong ngi haba don kum kine ki nongdie Ri, “ka seng ka Maham jur iaphi ki dalal khamtam kiba napoh ka district ba ngin sa thwet iaphi hakino kino ki jaka kiba phi phi don bad ngin sa ai iaphi dakaba tyngeh wat lada phi dei uno uno ruh ngim nym ailad baphin die tad dor iala ka Ri Jong ngi, Ong u bah Ency Shadap. Shuh shuh Ula bynrap ruh ba ka seng ka thaw iakane ka Employment commission ban peit pyrman khamtam ka jingkyrduh kam ki samla Jong ngi hynrei pynban ngi dap daka jingsngewsih baki briew Jong ngi pat ki wanrah briew nabar ban aikam ai jam shaei ka lawei haba kumne?.
Khatduh Ka seng ka buh ruh ka jingmaham kaba jur iakito ki Malik nongai kam bylla Sngi la ha kino kino ki jaka ban pyrkhat shwa shispah sien hashwa baphin wanrah briew nabar bad ka seng hi Kan sa leh dakaba tyngeh nangne shakhmat namar katkum ka jingioh jingtip ka seng ba bun bah ki nong bangla mynta ki don sha ki thaiñ Umpleng (Cement), Soo kilo bad Ladrymbai bad ka seng Kan sa leh iakaba donkam.
Ioh bat ka JNC ia 5 ngut ki briew na Bangladesh ba rung tuh sha India
