Shillong: U MP ka Tura u Saleng A Sangma un lum ia ki shipai BSF, ki Deputy Commissioner halor ban iathir ban tehlakam ia ka jingwan rung beain ki briew na ri Bangladesh sha India lyngba ki khappud ka Meghalaya.
U Saleng u la ong ba ka jingwan rung beain ki briew na Bangladesh kiba don da ki klur, kan pynjah klep lut ploin ia ki trai shnong ka Meghalaya tang khyndiat por lada ailad namar ba ki trai shnong ha Meghalaya ki dei kiba rit paid.
U la ong ba ula dep kren ia kane ka mat hapoh ka Parliament bad ula thoh ruh bun ki shithi sha ka tnad kam pohiing ka ri bad sha ki BSF ban kyntu ba ka la donkam kyrkieh ban pyrkhing bha ia ki khappud ban khang lad ia ka jingwan rung ki briew nabar ri Bangladesh.
U la ong ba ki briew kiba sah ha khappud bad ka Bangladesh, kil aim ha ka jingsyier na ka jingshyrkhei ki kam runar bad ka jingwan rung tuh beain ki briew na ri Bangladesh. Ula ong ba kine ki la lehr uh ia ki kam runar naduh ka tuh ka thiem, bad ka khaii beain naduh ki masi, ki drok, ki maw, bad kiwei kiwei ki mar kiban pynjot ia ki samla.
Ba shyrkhei ka jingwan rung bad pyniaid mar tuh sha Bangladesh, Yn lum u Saleng ia ki BSF, DC
