Shillong: Ka khasi students’ Union (KSU) War jaintia circle ka dap daka jingsngew khia kaba jur haba la ioh jingtip ba ki don katto katne ki riew shim kabu kiba dei ki dalal kiba thmu ban pynrung tuh iaki khar Bangladesh sha kane ka jaka ka jongngi.
Ka Seng haka jingiakynduh kyrkieh kala shim iaka rai ban wad bad pynshitom da kaba tyngeh ia kito ki dalal kiba long ki nong die ri kiba shim kabu ban kamai pisa jubor khlem da khein shuh ia ka jingma ba ka Jaitbynriew ka ap ia ka jing wan buhai Shnong da kine ki poi ei na ri Bangladesh. Ka seng lada ka lap ia kum kine ki jaid briew kan ym map da lei² ruh watla da dei da kino kino ki lynti ruh kam salia.
Ka seng ka khot ka wer lang iaki paidbah jongki thain khappud lada ki lap kum kine ki jaid briew ki dei ban ai jingtip noh mar mar sha ka seng khnang ba ngin ioh leh ia kaba donkam ka la kyntu ruh ia ki paidbah nongshong Shnong ban ai iaka jingiatreilang bad ka seng naka bynta ka jingshngain ka ri bad ka Jaitbynriew. Kane ka long ka kyrwoh na u Samla Platini Mukhim, General secretary KSU War jaintia circle.
Yn thwet ka KSU ia ki Dalal myndie Ri ba ju pynrung tuh ia ki Khar Bangladesh sha ka Ri Khasi
