Shillong: Ka lympungbah ka Seng Khihlang jong ki Khasi-Jaintia kiba don ha ka niam tynrai kaba 35 snem, ka la sdang mynta ka sngi 18 tarik Iaiong, 2025 ha shnong Laitlyngew kaba hap ha ka shatri ka Seng Khasi Sohra Pyllun.
Ia u mawbynna la wanrah na ka Seiñ Raij Umladkhur ka Riwar Jaiñtia ban thung ha Laitryngew ha ka 19 tarik. Mynta ka sngi, la sakhi ia ka jingwan synran ki paidbah kiba don ha ka niam tynrai ia u mawbynna ba la pynkit ha ka trok bad ka la don ruh ka jingpdiang burom ha ki jaka bapher bapher da ki tnad seng Khasi.
U President ka Seng Khasi Sohra Pyllun u rangbah Phasterwell San Lyngdoh haba iasam ia ka khubor halor kane ka lympungbah ka Seng Khihlang kaba 35, u la pdiang burom ia ki parakur parakha sha kane ka lympung. U la ong ba kane ka lympung ka dei ka rynsan ban lum ban lang hapoh ka bri u Hynniewtrep ban pynneh pynsah iaka niam Khasi kaba la saindur ki longshwa manshwa.
U la ong ba dei ha u snem 1842-45 shaneng, la wan kiwei ki jait niam ban hikai ban ialam bakla ia ka jingngeit tynrai bad lada ym pynshai pynsngewthuh ia ki para seng, ki lah ban sngewthuh bakla. Ka jingmut ka long ym ban isih iano iano hynrei ban pynshai ia ki para riew seng kiba don ha ka niam tynrai.
Naduh u snem 1842 la wan hikai bakla kiwei ki niam ha ri Khasi:U mawbynna bah na Umladdkhur sha Lairyngew
