Shillong: Ka tnat Wildlife ha Ri Bhoi, ka la thang pynkhuid noh ia mka met u Hati khlaw, uba la iap na ka jingshah bat bording ha kawei ka jaka ba long khlaw bad kaba hap hapoh ka shnong Tamulkuchi, Byrnihat ha ka 16 tarik Iaiong 2025.
Shwa ban thang, la leh Post mortem ia utei u Hati da ki stad ba iadei bad ki mrad ha ka jingdon lang u Dr. Duwaki Ryngad, u Sachin Gavade, DFO ka Wildlife, u Bah Leening Wahlang RFO ba dei peit ia ka Ri Bhoi lem bad kiwei.
La thang ia ka met jong u hati, da kaba tih da ka thliew katkum ki kyndon jong ka Wildlife Protection Act.
Kumba 5 trok ki dieng thang la pyndonkam ban pynkylla dpei ia ka met utei u hati bad ia ka jaka ban thang la tih da ka JCB.
Shna madan ka JCB, wanrah dieng ka trok ban pyndep ia ka met u hati khlaw
