Shillong:Wat hapdeng ka jingiakhih pyrshah jong kawei ka kynhun, ka Awaken India Movement (AIM) ban pynbor shon Aadhaar, ka khajana pat ka long da kumwei. Dang shen ka Meghalaya ka la ioh khur ar tylli syndon ki khusnam na ka sorkar India halor ka jinglah ban pyntreikam bha ia u Aadhaar.
Ha ka kyrwoh kaba la pyllait ka sorkar mynta ka sngi, ka la pyntip ba ka sorkar Meghalaya ka la ioh khusnam ar tylli na ka ri halor ka jinglah ban pyntreikam bha ia u Aadhaar na ka Unique Identification Authority of India (UIDAI) ha ka jingialang Aadhaar Samvaad kaba long ha ka 8 tarik Iaiong ha Bharat Mandapam Convention Centre, New Delhi.
Ka Meghalaya ka la ioh khusnam ar tylli, kawei kum ka Best Performing State in Carrying Out Mandatory Biometric Updates (MBUs) ia ki khynnah bad kawei pat kum ka Best Performing State in Verification of Adult Aadhaar Enrolment.
U bah Shai Kupar War u Nodal Officer (Aadhaar) na ka General Administration Department (GAD), ka jylla u la leit ban pdiang ia kine ki khusnam. U Dr. Joram Beda, u Commissioner & Secretary ka sorkar Meghalaya bad u State Nodal Officer for Aadhaar, ula iaroh ia ka kynhun kaba la aiti met bad mynsiem ban ioh khur ia kane ka khusnam.
Hapdeng ka jingpyrshah ia u Aadhaar, 2 tylli syndon khur khusnam ka Meghalaya ba pyntreikam bha ia u Aadhaar
