Shillong: Ki nongshong jong ki phra tylli ki shnong ka thaiñ Nongtraw hapoh ka Bhoirymbong C&RD Block, kila sngew kmen ban ioh ia ka Health Sub Centre kaba thymmai. Ia kane ka Health Sub Centre la plie u MLA ka thain mynta ka sngi Lah Sngi u Blei, u bah Damanbait Lamare ha ka shnong Nongtraw.
Kane ka Health Sub Centre kan shakri ïa phra tylli ki shnong kiba ker tawïar ïa ka — kum ka shnong Umsarang, Nongtraw Bangla, Lumdiengngan, Lumrit, Kyrdeng, Wahmyntait, bad ka shnong Mawkduk.
La tei ia kane Sub Centre ha ka jinglut kaba 5.5 lak tyngka, bad la pyntreikam bad la peit da ka Village Employment Council (VEC) jong ka shnong Nongtraw.
Kiba la ïadon lang ha ka sngi kynthup ia ka Dr. A. Kharduid, ka District Medical & Health Officer (DMHO) jong ka Ri Bhoi; U bah Robert Dympep, u rangbah shnong jong ka shnong Nongtraw bad kiwei..
U bah Damanbait u la kyntu ïa ki nongtrei ba kin pyndep hok ïa la ki kamram ban shakri ia ki paidbah ba donkam. U la kyntu ba ka jingshakri jongki, kam dei ban mih kano kano ka jingkynthoh na ki paidbah ia ka jingtreikam jong kane ka sub Centre, khnang ba kan ai jingmyntoi shisha ïa ki paid nongshong shnong jong kane ka thaiñ.
Ula kyntu ia ki nongtrei ban shakri hok ym ban shut rei tang ban kut bnai ban ioh ia ka tulop.
Trei hok, wat ap ban shu kut bnai ban ioh tulop, kyntu u bah Damanbait ia ki nongtrei ka Sub-Centre, ong u bah Damanbait
