Shillong: Mynta ka sngi, u myntri rangbah ka jylla u Conrad K Sangma ula iaid kjat pynngad na Rhododendron Trek kaba sdang na Laimer sha Lum Shyllong. Kane ka lynti iaid kjat hyndai, ka dei kaba ju pyndonkam ki phareng Bilat mynshwa.
Ha kane ka jingiaid kjat u Myntri Rangbah la synran lang ki ophisar sorkar naduh u Principal Secretary u Dr. Vijay Kumar, IAS, u Shakil P. Ahammed, u SP bah Vivek Syiem nalor kiwei pat.
U myntri rangbah ula pynpaw ba kane ka lynti iaid kjat ka dei kaba don la ka khajna, ha kaba ka don ki thliew ban iada na u bom ne bunker kiba la pyndonkam ha ka thma bah ba nyngkong, nangta ki kynroh ba tei ka sorkar Bilat. Ula sngew tynnad ruh ban iohi ia ki dieng ki siej, ki sim ki doh.
U myntri rangbah ula pynpaw ia ka jingsngew tynnad ym tang ba ka pynmih syep bad pynhiar pynkiew mynsiem heh na ka jingthait hynrei ka pynioh ruh ban ring ia ka lyer kaba khuid haba iaid lynti sha kane ka jaka kaba don ha syndah ka nongbah Shillong bad ula kyntu ia ki briew bad kumjuh ia ki nongwankai ba kin leit ban iaid kjat sha kane ka jaka kaba sngew tynnad haduh katta katta.
Phuh syep u Conrad ba iaid kjat pynngad na Rhododendron Trek kaba ju pyndonkam ki phareng
