Shillong: U Executive Member (CEM) ka Khasi Hills Autonomous District Council (KHADC) u bah Seiborlang Warbah ula wanrah ia ka mang tyngka kaba T.35,44,55,600 kaban pyllut ha ki lai bnai ban wan naduh u Iaiong haduh u Jylliew na ka bynta ki kam ka Council.
Haba wanrah ia kane ka mang tyngka hapoh ka dorbar mynta ka sngi, u bah Seiborlang ula ong ba kane ka mang tyngka ka kynthup ia ka jingsiew tulop ia ki nongtrei ka Council, ia ki nongtrei kiba la shongthait, bad kiwei ki kam bym lah kiar jong ka Council.
Katkum ka jingbhah pisa kaba la wanrah u CEM, ia ka tnad General Administration Department la mang T. 8,52,29,550 klur, ka tnad Law Department la mang T. 17,65,910 lak, ka Revenue Budget and Finance Department la mang T. 2,65,38,350 klur, ka Forest Department T. 2,57,05,470 klur ka Administration of Justice and Judicial Department la mang T. 1,70,52,930 klur Legislative Department T. 2,27,65,040 klur ka Education Department T. 3,87,640 lak Civil Works & Development Department T. 15,82,93,940 bad ia ka Enforcement Scheme for Protection of Tribal Land & Interest Department la mang T. 1,67,16,770.
Wanrah u EM ka KHADC T. 35.44 klur tam ban pyllut lai bnai
