Shillong: Ka tnad Election Commission of India kaba ialam u Chief Election Commissioner u Gyanesh Kumar lem bad ki Election Commissioner kynthup ia u Dr. Sukhbir Singh Sandhu bad u Dr. Vivek Joshi kila pyllong ia ka jingiathir bad u Secretary ka tnad kam pohiing ka ri, Secretary ka Legislative Department, u Secretary ka Ministry of Electronics and Information Technology bad u CEO, UIDAI bad ki stad ka ECI ha Nirvachan Sadan, New Delhi dang shen.
Ha ka kyrwoh, u P. Pawan, Deputy Director ka ECI, u la ong ba ka jingialang, katkum ka article 326 ka riti synshar ka ri India, ka hok ban jied ka dei ia uwei pa uwei u nongshong shnong ka ri. La iakren ruh ba u Aadhaar Card un dei u sakhi ban pynshisha ia u nongthep vote.
Halor kane, ka la rai ban pyniasoh ia ka dur thep EPIC bad u Aadhaar katkum ka kyndon ka Article 326 ka riti synshar ka ri jong ka kyndon 23(4), 23(5) bad 23(6) ka Representation of the People Act, 1950 bad kan long katkum ka rai ka Supreme Court WP (civil) No. 177/2023.
Halor kane, ka jingiasyllok hapdeng ka UIDAI bad ki stad ka ECI ka la sdang noh shen.
Yn hap pyniasoh ia ka EPIC bad u Aadhaar number
