Shillong: Ka myntri ka tnad ka rep ka riang ka jylla mynta ka sngi ka la khaweh ia ka lama ka kali Watershed Yatra ba kan leit pynshai sha ki nongrep ban iada bad pynneh ia ka um na ka bynta ban pyndonkam ruh ban kyntiew ha ka kam rep kam riang.
Ka la iathuh ba haduh mynta ka tnad Soil and Water Conservation ka jylla ka la shna 1390 tylli ki dam um kaba kynthup 3000 hectar.
Kane ka kali kan leit shang kylleng ki jaka ha ka jylla ban pynshai ia ka jingdonkam ban iada bad pynneh ia ka um bad kan ai jinghikai ruh kumno ban iada ia ka mariang.
Kumba 17 percent ka khyndew ha ka jylla Meghalaya ka la jah katkum ka jingsorjamin ka India Wasteland Atlas.
Ia ka jingialang halor kane, la pyllong ha phyllaw ka State Central, Shillong ha kaba la wan iashim bynta ruh ki Self Help Group (SHG) na kylleng ki jaka kiba pyniaid ki nongrep.
Ka kong Ampareen ka la ong ba ka jingmut ba kongsan kane ka prokram ka long ban iada ia ka um da kaba iatreilang bad ki nongrep lyngba ki SHG.
Da ka kali Watershed Yatra yn leit ban iada ia um, ka khyndew
