Shillong: U MLA ka BJP u bah AL Hek ula ong ba ka jingwanrah ia ka lynti rel sha kane ka jylla ka shong ha ka mon jong u paidbah, ym ban pynbor.
U bah AL Hek uba dei ruh u Myntri sorkar jylla na ka BJP, u la ong ba lada ki paidbah ki kwah ia ka lynti rel, ka sorkar ka dei ban leh ia kata hynrei lada ki paidbah kim treh, kam dei ban leh jubor. Ula ong ba kane ka dei ka mat kaba iadei bad ka jingbit jingbiang jong ki paidbah ka Meghalaya bad kam dei ka kam jong ka party BJP.
Lah ban kdew ba ki sengbhalang, ki kynhun bapher bapher ki pyrshah jur ban wanrah ia ka lynti rel sha Meghalaya khlem pat don shwa ki ain ban tehlakam ia ka jingwan tuid ki briew nabar, kaban taplup syndon ia ki rit paid trai shnong kane ka jylla.
Ka lynti rel ka shong ha ka mon ki paidbah, ong u MLA ka BJP
