Shillong: Ka kompeni Lemon Tree Hotels kan tei ia ka Orchid Hotel Shillong kaba T.124 klur ha lyngba ka Public-Private Partnership. Kane ka projek kan pynmih bun bah ia ki samla ka jylla.
Katkum ka jingbuh thong ka sorkar, yn sa tei ruh sa saw tylli ki 5-star hotels bad ki luxury resort ha ka jinglut kaba T.900 klur ha Umiam, Sohra, Mawdiangdiang bad ha Khanapara lyngba ka PPP.
Ban kyntiew shuh ia ka kam jngohkai bad ban pdiang sngewbha ia ki nongwankai sha kane ka jylla, ka sorkar kan shna ruh ar tylli ki iing basa ne luxury cottage ha ka jinglut kaba T.52 klur. Katkum ka jingkren u Myntri Rangbah u Conrad K Sangma dang shen, ka jingwan bei pisa ki kompeni nabar ha kane ka bynta ka la kot sha ka T.1,400 klur.
Shuh u Myntri Rangbah u la ong ba ka jingbei pisa kaba T. 2,000 klur ban seng karkhana siej, pynmih bording bad kumjuh ha ka kam jngohkai ha kane ka mang tyngka mynta u snem 2025-26.
Katkum ka jingbuh thong ka sorkar, da ki hajar ngut ki samla na kane ka jylla kin ioh ia ka kam ka jam hadien ba la dep ia kine ki projek bad kan kyntiew ia ka ioh ka kot ruh jong ka jylla.
Sa saw tylli ki 5-Star Hotel kin mih ha Meghalaya
