Shillong: U MLA ka Nongthymmai u bah Charles Pyngrope ula ong ba ka sorkar ka dei ban khur lang ia baroh ha kajuh ka thup khlem da leh shiliang, khnang ban lah ban poi sha ka thong kaba T.85 hajar klur ne 10 Billion US Dollar ha ka ioh ka kot ka jylla ha u snem 2028.
Haba kren sha ki lad pathai khubor hadien ba la kut ka dorbar mang tyngka 2025-26, ha ka sngi Palei, u bah Charles u la ong ba kaba donkam ia ka sorkar ka long ba kan treikam da ka lynti kaba khuid bad kaba shai lang.
“Ka sorkar ka dei ban treikam ha ka rukom kaba khuid kaba shaid khnang bad kdup lang ia baroh ha ka lieng khnang ban lah ban poi sha ka thong kaba T.85 hajar klur ha ka ioh ka kot kumba ka la buh thong”, la ong u bah Charles.
U la pynpaw ba u sngew biang ia ka jingiaid ka dorbar ha kaba ka liangpyrshah ka leh ia ka bynta kaba kongsan ban ai jingmut ban kdew ia ki jingduna ka sorkar.
Ha kajuh ka por, u la ong ba ka sorkar kam lah ban thied jaka ban ai sha ki kompeni ne ki riew shimet hynrei ka hap ban iaid katkum ka ain.
Shim lut baroh ha ka lieng ban poi sha ka thong T.85 hajar klur ha ka ioh ka kot, ong u bah Charles
