Shillong: U Symbud myntri rangbah ka jylla u bah Sniawbhalang Dhar u la ong ba ka jingdonkam ka jaka ban shna ia ka jaka theh niut katkum ka juk saian ka long hapdeng 100-150 akar.
U bah Sniawbhalang ula jubab ia kane halor ka jingwanrah u MLA ka Mawlai bah Brightstarwell Marbaniang hapoh ka iing dorbar mynta ka sngi.
U symbud myntri rangbah u la ong ba ka jingjngai na Mawkhanu sha Secretariat ha New Shillong ka long 13 km. U la ong ruh ba kam don kano kano ka jingthmu ban pynkylla ia katei ka jaka kum ka European Ward ban pyllong kum ka jaka sah kiwei bym dei jaitbynriew.
U la ong ba ka sorkar ka la pynkhreh ban shna ia ka jaka theh niut katkum ka juk stad saian ha Nonghali.
Donkam 100-150 akar ka jaka ban shna jaka theh niut, ong u bah Sniawbhalang
