Shillong: Ki thei ïalehkai ka Shillong Cricket Association ki la ioh ban rah ia ka nam kum ki lahduh jong ka lympung ïalehkai U-15 Girls Inter-District Cricket Tournament 2025, kaba la pynlong ïa ka da ka Meghalaya Cricket Association bad ba la pyniaid ïa ka da ka synjuk West Khasi Hills District Cricket Association ha madan Mawrusyiar Village Playground, Nongstoin.
Ha ka jingïakhun ïa ka phainal ki thei ïalehkai ka Shillong Cricket Association, ki la lah ban pynliem noh ïa ka South West Khasi Hills District Cricket Association (SWKHDCA) da 41 ron, kaba la wan hadien ba la pyntreikam noh da ka jingiakheiñ jong ka DLS Method, kaba jia hadien ka jinglap ba wan ther noh kynsan u slap.
Haba phai sha ka jingïakhun, ïa ka jingkynting pisa la jop da ka SWKHDCA, da kaba ki la ailad shwa ïa ka SCA ba kan wan ba kan tied nyngkong, ha kaba ki la lah ban kamai 166/3 na ki 20 overs.
Ki namtam ïa ka SCA ha ka por ba ki la wan ban bet ki long ka Janvi Kumar Shah 58 runs (67 balls), Laviola L Mawlong 28 runs (32 balls) bad Prisceca Nongpiur –16 runs (30 balls)
Katba na ka liang ki nongkawang bol ka SWKHDCA, ka Ribakordor Nongsiej ka la ïoh ba kan khur shi wiket naka bynta 40 ron na ki 4 ober.
Haba la wan ban beh ïa kane ka thong, ka , SWKHDCA ki la shem pynban ïalade ha ka jingeh kaba jia hadien ba u slap ruh u la wan ban ther, bad kane ka pynlong ïa ki nongpynïaid ban pynhiar noh ïa ka jingiakhun sha ka 9.3 ober, ha kaba ka thong ia ka SWKHDCA ka long 116 ron.
Hadien ba la pynbeit thymmai, ki thei ïalehkai ka SWKHDCA ki la lah ban kamai 74 ron hadien ba ki la hap noh 7 wiket, bad kane ka la biang pura ïa ki thei ïalehkai ka SCA ban rah ia ka nam kum ki lahduh jong kane ka lympung.
Ki katto katne ki thei ïalehkai kiba la kham paw ha ka pali kaba ar ki long ka Lawanjingkyrmen Lyngkhoi 13 runs (15 balls), Philadaplin Lyngkhoi 11 runs (9 balls).
Katba na ka liang ki thei kawang bol ka SCA ka Prisceca Nongpiur na ki 4 overs, ka la ai 17 runs, bad khur 2 wickets bud pat sa ka Areniankit Warjri na ki 2 overs, ka la ai 10 runs, bad 1 wicket, katba ka Laviola L Mawlong na ki 0.3 overs, ka la ai 3 runs, bad khur 2 wickets
Ki kynrem ki lyndan kiba la wan ban ïa sakhi lang ïa kane ka phainal ka kynthup ïa u Hony Secretary u bah Raynold Kharkamni, U Sengnab Momin, Vice President, Meghalaya Cricket Association, U bah Peter Macdonald Kharsawian, Apex Council Member, MCA, Lamborful Wanniang, President, Mawrusyiar Youth and Cultural Club, Shembor Rani, Secretary, Mawrusyiar Youth and Cultural Club, Wanpyntngenbor Lyngdoh Nonglait, President, West Khasi Hills District Cricket Association, Mebanphira Swer, General Secretary, West Khasi Hills District Cricket Association .
Rah ki thei ka Shillong Cricket Association ia ka nam lahduh ka U-15
