Shillong: U myntri ka tnad bording ka jylla u AT Mondal ula pyntip mynta ka sngi hapoh ka iing dorbar ba ka sorkar jylla ka la ioh T. 49.8 klur na ka tnad DONER na ka bynta ban pynheh ia ka Mawlai Sub Station na ka 3×20 MVA ne megavolt-amperes sha ka 3×50 MVA (megavolt-amperes).
Ia kane ka jingkylli la wanrah u MLA ka Mawlai u bah Brighstarwell Marbaniang.
U Mondal ula ong ba ka jinglut ban pynheh ia kane ka sub station ka la kot sha ka 79.23 klur hynrei ka sorkar jylla ka hap ban sei nap la T. 29.3 klur.
U myntri u la ong ba kane ka Sub Station ka long kaba donkam bha kaba la buh naduh u snem 1972 namar ba ka bsa ding ha ka nongbah Shillong. U la ong ba ka sorkar kan khot tender noh ha u bnai Iaiong ban wan khnang ban pyntrei noh ia ka kam.
Mynjur ka DONER T. 49.8 klur ban pynheh ia ka Sub Station bording ha Mawlai
