Shillong: U MLA ka Jirang u bah Sosthenes Sohtun ula pynpaw ba ki paidbah ka thain Byrnihat kaba hap ha ka konstitwensi jongu, ki briew ki la sngew tieng sngew smiej tang shu mih ka ktien karkhana.
Haba iashim bynta halor ka jingiathir halor kane ka mat hapoh ka iing dorbar mynta ka sngi, u bah Sosthenes u la ong ba ka don ka skul ha katei ka jaka kaba kila ju ujor ia ka jingtuid ka jaboh ha katei ka jaka bad ka jingshlei um.
Ka jingpynduh ia ki khlaw ka pynsniew ia ka mariang, kynthup ka khyndew, ki wah bad ka lyer.
Ula ai jingmut ba ka sorkar ka dei ban iasyllok shwa bad ki paidbah lane rah noh ia kane ka jingthmu sha kawei pat ka jaka namar ba ki don kiba la tyrwa ai ei ia ka jaka.
Ki briew ka thain Byrnihat ki tieng ki smiej tang shu ong ka karkhana, ong u MLA Jirang
