Shillong: U MLA ka Mawkyrwat u bah Renikton L Tongkhar ula ong ba ka la dei ka por ba ka sorkar kan pynbna paidbah shaid shaid ia ki kam ba bha jongka, khnang ba ki paidbah kin tip.
Haba shim bynta halor ka jingkren u Lat hapoh ka iing dorbar mynta ka sngi, u bah Renikton u la ong ba ka sorkar ka la leh shibun ki kam ba bha ban kyntiew ia ki paidbah bad ka jylla hynrei ki briew kim tip bad ki hylla ha surok ban kren pyrshah ia ka sorkar.
Lada ka sorkar kam pyntip ia ki kam ba ka la leh, ki briew kin kren pyrshah ia ka sorkar, katno ngut ki youtuber kiban pynbna ia ki kam ba bha ka sorkar bad ka la dei ka por ba ka sorkar kan pyllut por ban pynbna ia ki kam ba bha jongka.
Ha kajuh ka por, u la ong ba wat ma u kum u MLA ruh um tip ia ki kam ba bha jong ka sorkar jylla bad kane ka la dei ka por ban pynbna ia ki jingtip sha ki paidbah, khnang ba ki paidbah kin ym kren pyrshah ia ka sorkar lynter tait.
Dei ban pynbna paidbah ia ki kam ba bha ka sorkar, ma ngi ki MLA ruh ngim tip: Renikton
