Shillong: Mar mar hadien ba la shimti ia kam kum u Mission Director ka DREAM (Drug Reduction Elimination & Action Mission) u bah FG Kharshiing ula khot ia ka jingialang ia baroh ki dorbar shnong, ki sengbhalang, ki kynhun bapher bapher ban iathir ban ialeh pyrshah ia u drok ha ka jylla.
U bah FG Kharshiing ula iakynduh ia u myntri ka tnad Social Welfare u bah Paul Lyngdoh.
U bah FG Kharshiing u la ong ba ula khot ia ka jingialang ha ka 14 tarik Naiwieng 2024 ia ki dorbar shnong, ki seng, ki samla pule ban iasyllok iathir kumno ban pynduh ia u drok.
Ula ong ba ka donkam ban pynduh jait ia u drok bad lyngba ka jingiatreilang bad ki skul, ki balang, ki seng, ki shnong, yn lah ban tehlakam ia kane ka jingeh jong ka imlang sahlang khamtam na u drok.
U la ong ba ula iohi ba la bun palat ki khynnah kiba la pyndonkam ia u drok ha ki lynti syngkieng, bad kane ka la ktah ym tang ia ka iing ka sem, ka ktah ia ka imlang sahlang bad kumjuh ia ka kamai kajih.
14 tarik lum u MD ka DREAM ia ki kynhun ban iathir iakhun pyrshah ia u drok
