SHILLONG: Ki paid riewngeit ka Balang u Blei (Meghalaya-Assam) bad na kiwei ki Balang ki la tuid da ki hajar sha ka jingiaseng Nongtrei jong ka Balang U Blei Meghalaya-Assam (Church of Gid) ka sngi ha Balang ha shnong Umtlieh, Ri Bhoi District.
Ka Balang u Blei ka ju pynlong man u snem ia kane ka jingiaseng heh ban lum bad kynduh lang ia ki nongtrei jong ka Balang U Blei. Ka la Balang Umtlieh, Ri Bhoi ka la pdiang ia kane ka jingiaseng heh ha ka sien nyngkong kaba la sdang ha ka sngi Thohdieng 8 tarik ha ka Balang Umtlieh, Ri Bhoi District bad la pynkut hynnin ka sngi U Blei da ka jingshim bynta shitrhem ki rangbah, ki samla bad khynnah da ki jingrwai bad ki jingtem ban ialap bad pynkhraw ia ka kyrteng u Trai Jisu.
Haba kren ha ka jingiaseng janmiet, la ioh ka jingkren na u Pastor (Rev) Dr B Nongpluh uba dei ruh u Principal jong ka Nichols Roy Bible kolej, halor ki kam bah u Jisu u la leh ban peitmat ia u briew ba matlah naduh dangkha ba la pynshong nongrim na ka Kotbah- Iounis 9 Lanong-1-12, ba kumno u Jisu u pynkhiah ia u matlah, hynrei halor katei ka jingtrei borbah u Jisu u la shah kynnoh ha ki rangbah niam ba u pynkhein ia ka sngi Sabaton bad kynnoh ba um dei u khun u Blei, katba utei uba matlah ba iohi u la nguh ka ngem ban ai nguh hakhmat u Jisu.
U Jisu ula ong ka dei ka kam jong nga ban trei hynrei ym da ka bor jong nga hynrei da ka bor Blei.
U Dr B Nongpluh ula ong donkam ban duwai bad shah jingit ban pynkha pat ia kawei ka mymsiem briew ha ka jinnglong mynsiem, bad kyntu ia ki Pator, ki nongialam Balang, ki lomgkmie, longkpa, ki samla bad kin shim ia lade kum ki nongtrei ha ka kam u Blei.
Kaba sngewtynnad ka long ba ki kynhun Balang ha ka shnong Umtlieh, kum ka Balang Presbyterian ka don lai tylli, kawei jong ka KJP Synod bad ar tylli jong ka Ri Bhoi Synod, ka Catholik kawei ki Khasi bad Karbi, ka Church of God 2 tylli bad jong ka Baptis kawei, kine ki kynhun Balang bapher ha shnong Umtlieh ki la kyrshan lang ia ka Balang U Blei kaba pynlong ka jingiaseng heh ka “Jingiaseng Nongtrei” bad kim shym pynlong ki jingiaseng ha ki iing mane hynnin ka sngi U Blei na bynta ban iarap ia ki jingdonkam ha ka shnong bad ka Balang U Blei bad baroh ki leit sha katei ka jingiaseng naduh ki rangbah longkmie, samla bad ki khynnah.
Ki nongialam shnong bad nongialam Balang ki pynpaw ka jingsngewtynnad ban pdiang ia katei ka jingiaseng heh bad kim khein ia ka jingsngew niam hynrei ki nongshong shnong baroh ki shim lang ka jingkitkhlieh ia ki kam hapoh ka shnong bad ka Balang, kane ka long ka nuksa ia kiwei ki shnong ban pynpaw ia ka jinglong shipara kum ki khristan, wat la ki iapher ka niam hynrei baroh ki mane ia ujuh u Blei.
Kum ban pynpaw ka shong Umtlieh ka dei ka shnong ba sahdien ha ki kam pynroi ha Ri Bhoi, lada ia nujor bad kiwei ki shnong ha jylla, hynrei ka na katei ka jingiaseng bad ka jingwan ki paidbah na kylleng ka jylla Meghalaya-Assam kan iarap ban kyntiew ia ka roi ka par ha ka shnong bad ka imlang sahlang.
Ha kane ka sngi la donlang ruh MLA/MDC ka thain u bah Charless Marngar ryngkat kiwei ki riew rangbah ka thain.