SHILLONG: Ka Seng Khasi College, kawei na ki shlem pule kaba la kham rim ha ka jylla, ka la pynkup burom ia la ki khynnah pule kiba la pyndep ia ka jingpule ka jong ki ha ka Bachelor of Arts Exams mynta u snem ha ka 28 tarik Nailur, 2023.
Ha kane ka kynti la don kumba 244 ngut ki la pyndep ia ka BA degree ha ki subject bapher bapher kum ka Economics, Education, English, History, Khasi, Political Science, Philosophy bad Sociology.
U Kongsan ha kane ka sngi, u Rangbah O. Pyngrope, President In-charge, Seng Khasi Kmie, ha ka jingkren jong u, u la ban jur halor ka jingdonkam ban ïai minot ha ka jingpule bad ha la ki kam ki jam.
Kiba la ia don lang ha kane ka sngi ki kynthup ia u President ka Governing Body, U Rangbah B.S. Rumnong; u Secretary ka Governing Body, U Rangbah R. H. Dkhar; u Principal ka College, U Rangbah W. B. Rynjah; i Vice-Principal ka College, I Dr. H. Dohtdong; bad ki principal kiba rim kane ka College i Kong B. Pde bad i Kong Y. Swer ryngkat bad ki nonghikai bad ki kmie ki kpa jong ki khynnah pule.
Leh Burom Ka Seng Khasi College Ïa Ki Khynnah Pule KibaLa Pyndep Ia Ka Degree Mynta U Snem 2023
