SHILLONG: Ka MLA ka Shangpung ka kong Santa Mary Shylla ka la ong ba ka la leit jngoh la ar sien ia ka jingsniew ka surokbah NH-6 kaba hap ha ki konstitwensi jongka bad ka la iakren ruh ia u symbud myntri rangbah ba peit ia ka tnad PWD u bah Prestone Tynsong ban pynbha bad maramot noh ia ka surok.
Haba kren mynta ka sngi, ka kong Mary ka la ong ba ka la kyrpad ia ki briew ka NHAI ba kin leh kyrkieh ia kane ka surok namar ba ka la buh jingeh ia ki paidbah hynrei haduh mynta kim pat leh eiei. Ka la pynpaw ia ka jingsngew pang met halor kane ka jingsniew kane ka surok.
Lah ban kdew ba ka KSU East Jaintia Hills bad kiwei ki seng bad ki paidbah kila pynlong ia ka jingiakhih pyrshah da kaba thung kba bad khwai dohkha hapdeng surok ban dawa ban maramot noh ia kane ka surok kaba la sniew tasam.
Sngew pang mynsiem ka Kong Mary ba sniew palat ka surokbah NH-6
