SHILLONG:Ka Khasi Hills Autonomous District Council (KHADC) kan ym lut eiei wat tang shi naia ruh ha ka jingpynlong ia ka Tamasa Mawbynna ne ka Monolith Festival hynrei baroh yn pynlut ka sorkar jylla lyngba ka tnad jngohkai.
Haba pyntip halor kane mynta ka sngi, u Deputy Chief Executive Member u bah Pynshngainlang N Syiem, ula ong ba ka KHADC ka la rai ban iaid shakhmat ha kaba iadei ban pynlong ia ka Tamasa Mawbynna ha kaba ka sorkar jylla lyngba ka tnad jngohkai kan pynlut nadong shadong jong ka jinglut jingsep.
U la ong ba ka sorkar jylla ka dang lum jingkhein jingdiah ha kaba iadei bad ka jinglut jingsep halor kane hynrei ioh don eiei ka jinglut, ka KHADC ka la shu buh pynap 10 lak tyngka.
Ka tamasa mawbynna kan long naduh ka 4-9 tarik Nohprah 2023 ha Khasi Heritage Village ha Mawphlang.