SHILLONG: Ryngkat ka ri baroh kawei, ka jylla Meghalaya lyngba ka tnad ialehkai ka la rakhe pynkut ia ka sngi ialehkai ka ri mynta ka sngi.
Ha nongbah Shillong la pynlong ia ka jingsam khusnam ia ki nongialehkai ba paw bad wanrah burom ia ka jylla. Ka la don ruh ka jingialehkai hapdeng ki MLA bad ki Ophisar ha madan Tennis Court, J. N. Stadium Complex, Polo Ground, Shillong.
La rakhe ia kane ka sngi kaba dei ka sngi kha jong u nongialehkai Hockey ba pawnam ka ri u Major Dhyan Chand.
Ha kane ka sngi la pynkup burom ia ki coach bad ki nongialehkai ha ka siat khnam, mareh, iakura, kynjatbol, Karate, Judo, kiewlum.
La pynkup burom ruh ia ki nongialehkai bym dei jong ka Olympic kynthup ia ki coach bad ki nongialehkai ka Wushu, iakhunkti, Muay Thai bad ka Jeet Kune-Do.
Ha ka jingialehkai paralok, ka kynhun Ophisar ka la pynliem ia ki MLA da 5-0 kol.
Rakhe sngi ialehkai ka ri ha ka jylla, phong boot, phong patlun lyngkot ki MLA, ophisar
