SHILLONG: Kum shi bynta ban pynpaw ia ka jingsngew nguh ia ka sorkar jylla, ki nonghikai SSA mynta ka sngi ki la pynlong ia ka prokram ban pynkup burom ia ka sorkar namar ka jingtrei khlem shongthait na bynta ban weng ia ki jingeh jong ki nonghikai ha kane ka jylla.
U Adviser jong ka sorkar jylla u bah Himalaya Shangpliang uba long ruh u kongsan ba kyrpang ha kane ka sngi, u la ong ba ha kine ki san snem la ju don bun ki jingeh ha kaba ki nonghikai ki ju ieh ia ki kamra klas bad ki hap ban mih sha surok ban dawa ia ka hok kaba kidei ban ioh kynthup ka tulop, ka Arrear.
Hynrei ha ka sorkar MDA-1 hapoh ka jingialam jong u Conrad Sangma kum u Myntri Rangbah ka jylla, ka la pyrshang ban leh katba lah ban weng ia ki jingeh bad dei ha kane ka sorkar MDA-2 tang hapdeng ki 6 bnai ka la lah ban leh kham bha shuh shuh ha kaba ka la lah ban weng ia baroh ki jingeh jong ki nonghikai, ong u bah Shangpliang.
6 bnai stang iar ka jingrben ki jingeh ki nonghikai SSA ha ka kti ka MDA, ong u bah Shangpliang
